Nag-agum sang pilas ang isa ka lalaki matapos nga natiruhan samtang nagahampang sang panagu-ay sa Barangay Tabuc Suba, La Paz, Iloilo City.
Ang biktima amo si Dennis Osano, 19-anyos, residente sang Brgy. Gustilo, La Paz.
Ang nagtiro naman amo si Kayot Jeruta, 64-anyos.
Sa interview sang Bombo Radyo kay Amy Osano, Lola sang biktima, iya ginpahayag nga pasado las-3:00 sang kaagahon sang nagahampang ang iya apo sang panagu-ay kaupod ang iya mga abyan.
Suno kay Osano, sa amo nga tion, samtang nagapanago, nasiplatan ini sang isa ka barangay kagawad kag natingala kon ngaa may nagapanago sa lugar sa des-oras sang sa kagab-ihon.
Sang ginsita ang biktima sang kagawad, gilayon ini nga nagdalagan rason nga gintiro niya ini.
Gindala naman sang ospital ang biktima kag padayon subong nga ginabulong matapos nga nag-angkon sang pilas sa na-tuo sini nga likod.
Nagapangatubang naman sang paglapas sa election gun ban ang barangay kagawad nga nagpaniro.
