ILOILO CITY- Pilason ang isa ka lalaki nga nagakatulog matapos ginlabo sang iya man lang kasilingan sa Brgy. Topol, Cabatuan, Iloilo.
Ang biktima amo si iArnel Brajas, 43 anyos samtang ang suspek amo si Felizardo Brajas, lunsay residente sang amo nga barangay.
Sa interview sang Bombo Radyo kay Police Captain Dionisio Estacio, hepe sang Cabatuan Municipal Police Station, iya ginpahayag nga nagahigda ang biktima sa payag kag ginpalapitan ini sang suspek kag ginlabo.
Padayon nga ginabulong sa ospital ang biktima samtang nagapabilin naman nga atlarge ang suspek matapos nagpalagyo kasunod sang ginhimo nga krimen.
Wala pa matul-id kun ano ang motibo sa natabo nga pagpanglabo.
