ILOILO CITY- Pilason ang isa ka lalaki nga naga-drive sang motorsiklo matapos ginluthang sang riding in tandem sa Sambaludan, Oton, Iloilo.
Ang biktima amo si Bernardo Cabalida Jr., 35, residente sang Botong, Oton.
Base sa imbestigasyon, angkas pa sang biktima ang 12- anyos sini nga bata.
Ginpahayag nga nag-overtake ang motorsiklo nga ginasakyan sang mga suspek kag didto na ginluthang ang biktima nga naigo sa atubang nga parte sang iya lawas.
Maswerte naman nga wala maigo ang iya anak.
Gindala naman sa ospital ang biktima kag padayon nga ginabulong.
Wala pa matumod ang mga suspek.
