Arestado ang isa ka lalaki sa drug buy bust operation nga ginpatigayon sa Barangay Tabuc Suba, Barotac Nuevo, Iloilo.
Ang subject amo si Ivan Pineda, 34, tumandok sang Barangay Batuan, Pototan, Iloilo.
Suno kay Police Lt. Peter John Ramos sang Barotac Nuevo Municipal Police Station, nagakumpra si Pineda sang isda sa Barotac Nuevo kag didto man nagabaligya sang iligal nga droga.
Nabaklan ang subject sang isa ka sachet sang suspected shabu kag P2,300 ang buybust money.
14 pa ka sachet ang dugang nga narecover sa possession sang arestado.
Suno kay Ramos, yara naman sa watchlist sang Pototan MPS si Pineda apang wala pa nadakpan bangud kilala niya ang mga pulis sa iya nga banwa.
