Isa ka 26-anyos nga criminology graduate nga nagpadulong sa Manila halin sa Samar para mangita sang trabaho ang napatay matapos ginbuno kag ginkastigo sang mga tawo.
Ang biktima ginkawatan sang cellphone apang napasibangdan pa nga siya ang kawatan.
Natabo ang insidente sa Barangay 718 sa Maynila.
Sa video footage, nakit-an nga nagauba kag nagakaya ang wala na nagahulag nga si Christian Ambon, nha may igo sang buno sa kilid.
Gindala siya sa ospital apang ginbawian sang kabuhi.
Bag-o napatay, nakahambal pa ang biktima nga isa ka “Junjun” ang nagkuha sang iya nga cellphone gani ginlagas niya ini.
Apang may nagsinggit sang tinaga nga kawatan kag si Christian ang napasibangdan.
Nagapatigayon na sang imbestigasyon ang Manila Police District sa insidente.
Luyag naman sang pamilya nga madala pauli sa Samar ang bangkay ni Christian apang kulang ang ila nga kwarta.
