PASSI CITY – Pasakaan sang kaso nga murder ang pakaisa nga naglampos sa ulo sang biktima kag gintunaan sang kamatayon sa Dalicanan, Passi City.
Ang biktima amo si Raymond Pacardo, 38 anyos, residente sang nasambit nga lugar kag ang suspek naman amo si Jeffrey Pacardo, 42 anyos sa amo man nga lugar kag lunsay magpakaisa lamang.
Sa interview sang Bombo Radyo kay Police Chief Master Sergeant Niel Amador, imbestigador sang Passi Police Station, iya ginpahayag nga naga inom-inom ang magpakaisa sang gilayon nga may komusyon nga natabo.
Nakaangkon sang patal nga pilas sa ulo si Raymond tuga sang paglampos sang matig-a nga bagay rason nga ini ang napatay.
Nakapalagyo naman ang suspek apang ginatinguhaan ini nga madakpan sang mga kapulisan.
Sa subong, ginahibalo sa gihapon sang mga kapulisan ang motibo sa krimen.
