ILOILO CITY- Bangkay na sang nakit-an ang lalaki nga naglumpat gikan sa ginasakyan nga fiber boat sang nagligad nga Agusto 4 sa Parola area.
Ang biktima amo si Ronnie Elgario, 41 anyos kag residente sang Corocuan, Igbaras, Iloilo.
Sa interview sang Bombo Radyo kay Philippine Coast Guard Iloilo Station Commander Paterno Belarmino Jr., nakit-an ang lawas sang lalaki nga nagalutaw kapin 100 metros gikan sa Fort San Pedro.
Matandaan nga antes ang paglumpat sang lalaki, nabatian ini sang iban nga pasahero nga naghambal ini nga maligo siya.
Gilayon man ini nga ginhabuyan sang life ring apang wala niya ginalab-ot.
Ginpahayag nga may problema sa pamilya ang amo nga lalaki.
