Lalaki nga nagmaoy bangud sa kahulugbon, ginluthang-patay sang bayaw

ILOILO CITY – Patay ang isa ka lalaki matapos nga ginluthang sang iya bayaw sa Barangay Nagba, Maasin, Iloilo.
Ginkilala ang biktima nga si Demetrio Fruntada, 48, residente sang nasambit nga lugar.
Natumod naman ang suspetsado nga si Genito Frias, nagapuyo sa nasambit man nga lugar.
Pilas sa dughan ang naangkon sang biktima nga gintunaan sang kamatayon sini.
Ginpahayag sa Bombo Radyo Iloilo ni PO2 Janderson Sabio sang Maasin Police Station nga nagmaoy ang biktima kag indi mamati sang ginsaway sang suspek rason nga iya ginluthang.