ILOILO CITY – Natumod na sang otoridad ang nagpinalupok kadungan sang kinagamo nga natabo sa Smallville Complex sang nagligad nga Hulyo 20.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya ginpahayag nga ang nagpinalupok sang armas-luthang amo si Glen Cordero sang Brgy. Pali Benedicto, Mandurriao, Iloilo City.
Nakilala si Cordero matapos nga na-trace ang salakyan nga iya gingamit sa pagpalagyo kag nakita mismo sang mga pulis nga nagresponde ang histsura sang suspek.
Bangud sini, ginpahayag ni Valencia nga ila gilayon nga ginhingagaw ang pagpsaka sang kaso nga alarm and scandal with the use of firearms batok kay Cordero.
Nahibalu-an nga sang Hulyo 20, may yara sang kinagamo nga natabo sa Smallville Complex sa diin nasaputehan ang tagreklamo nga si Bryan Arroyo.
Kadungan sang kinagamo, nagpalupok sang armas-luthang ang isa ka lalaki kag ulihi na lang nakilala nga si Glen Cordero.
