Patay ang isa ka lalaki matapos natiruhan sa Brgy. Aglalana, Passi City.
Ang biktima amo si alyas Tata kag ang suspek amo si alyas Makmak kag pareho nga residente sang nasambit nga lugar.
Sa interview sang Bombo Radyo kay Pcpt. Ma. Rosario Miranda, Public Information Officer sang Passi City PNP, iya ginpahayag nga nagkadto ang biktima sa kamalig sang suspek agud hagadon nga mag-inom.
Suno kay Miranda, ginapahayag nga nangakig ang biktima bangud wala sang sumsuman ang suspek.
Naimpito ang suspek kag gintiro ang biktima sa likod nga gintunaan sang iya kamatayon.
