ILOILO CITY – Ginlabo sang hubog nga suspek ang iya man lamang nga kaingod balay sa Barangay Baldoza, La Paz, Iloilo City.
Ang biktima amo si John Gregorio-Jaranilla, 45, samtang ang suspek naman amo si Racel Guevarra, ginbanta 32 anyos.
Sa interview sang Bombo Radyo kay Barangay Kagawad Marichu Moleño, iya ginpahayag nga ginsaway sang biktima ang suspek bangud nga nagagahud ini matapos nga nag-away sila sang iya asawa.
Didto kag ginsabat sang suspek ang biktima, gintiklod kag ginlabo.
Nagtuyo pa ang tiya sang suspek nga punggan ini, apang, ginhana-an man ini sang labo.
Pilas sa li-og ang naagum sang biktima.
Suno kay Moleño, ini ang ikaduha na ka beses nga nagpanglabo ang biktima subong gid lamang nga adlaw apang ang una nga biktima ang wala na nagreklamo.
Dugang pa niya, kilala nga masabad ang suspek sa lugar.
Ang duha ang miguhay lamang kag wala sang daan nga hiligut-anon.
