Nagpanindugan ang isa ka lalaki nga nagbayad siya sa iya naka-transaksyon nga commercial sex worker sa Iloilo City Proper.
Ini amo si alias Archie, 38, nga isa ka manugbaligya sang ice cream.
Ang natungdan ang una nga na-report nga ginpulihan kag ginaalegar nga nabun-an sang mga lalaki sa nasambit nga lugar bangud sa amo nga hitabo.
Sa interview sang Bombo Radyo kay alias Archie, iya ginpahayag nga P800 ang una ginsukot sa iya sang commercial sex worker apang naghayo siya nga P600 na lang.
Suno sa natungdan, bangud sa wala nagpasugot ang commercial sex worker, ginpakastigo siya sa mga kakalakin-an rason nga nag-agum ini sang dako nga pilas sa ulo.
Una na nga gintuad san utod ni Archie nga may natabo nga pagbaisay sa presyo kag ayu-anay apang wala nag-intindihanay.
Madumduman nga na-report man nga na-missing si Archie apang sa ulihi, natukiban nga yara lamang ini sa ila puluy-an kag naga-inom-inom.
