ILOILO CITY–Patay ang isa ka lalaki matapos ginpaarakan sang luthang sang nagresponde nga katapo sang kapulisan sa banwa sang Igbaras, Iloilo.
Ang biktima ang ginkilala nga si  Ricky Gibero, ginabanta naga edad sang 35 anyos.
Sa interview sang Bombo Radyo kay SPO3 Juni Casiano sang Igbaras  Municipal Police Station, iya ginpahayag nga  naga-istorya sila sa punong barangay sang hinali lang nga nagpaarak sang luthang si Gibero rason nga napilitan ang mga kapulisan nga magbalos.
Gindugang pa ni  Casiano nga bag-o pa natabo ang pagpatay kay Gibero, una niya nga ginpistol whip si Arie Bryan Dujan-18 anyos nga nagadrive sang motor kun sa diin nakaangkon sang pilas sa ulo.
Kadungan sini, ginapahayag man nga gintuyo man ni Gibero nga hold-apon ang taxi driver apang wala natigayun.
Bangud sa insidente, nagtawag sang pulis ang mga barangay official kag didto nagluntad ang insidente.
Nahibaluan nga 45 caliber pistol ang gingamit sang biktima kag may iban pa nga recoveries.
Nakaangkon sang isa ka igo ang biktima sa natuo nga bahin sang iya lawas.
Ginpatihan man nga naka shabu si Gibero sang nagluntad ag insidente.