OTON, ILOILO – Nasapwan na kaina sang aga ang 19 anyos nga soltero nga nalumos kahapon nga adlaw sa baybay sang Oton, Iloilo.
Ang biktima amo si Kent Rollen Gelar residente sang Barangay Marirong, Leon, Iloilo.
Sa interview sang Bombo Radyo kay John Michael Mallorca, MDRRMC Officer sang Oton, iya ginpahayag nga upod ni Gelar ang iya mga barkada nga naligo sa baybay.
Apang ginkakibot na lamang sang mga kaupod sini nga nagsarurot ang biktima sa kantilado nga porsyon sang baybay kag nangin missing kahapon nga adlaw.
Nasapwan na lamang ang biktima subong nga aga sa Poblacion South, Oton sa diin wala na ini sang kabuhi.
