Ginbawian gid sang kabuhi ang 49-anyos nga lalaki matapos ginbalusan ini sang lalaki nga iya ginlampusan sang kahoy sang ginlampusan man siya sang helmet sa ulo sa Barangay Bulua, Cagayan de Oro City.
Suno sa otoridad, may duha ka lalaki nga nagpadulong sa police station agud i-report ang ginhimo nga pagpanakit sa ila sang napatay nga lalaki.
Isa sa mga lalaki nga nagsugid amo ang naglampos sang helmet sa ulo sang biktima.
Pahayag niya, nagpadulong sila sa lugar para magpaligo sa dagat apang hinali lang nagpalapit ang biktima kag ginlampusan sila sang kahoy.
Nagbalos ini kag ginhampak man ang lalaki sa ulo nga indi man nila kilala.
Narekober sa crime scene ang kahoy nga posible nga gin-gamit sang bikima.
Magapangatubang naman sang panumbungon nga homicide ang lalaki nga naglampos sang helmet.
