Gintuad sang San Jose de Buenavista, Antique Municipal Police Station nga anay tokhang surrenderee ang lalaki nga nasapwan nga nakasulod sa sako sa Parola Wharf sa tion sang Dinagyang Festival 2025.
Ang nasapwan amo si Angelo Brandon Salazar, may live-in partner, may duha ka mga kabataan kag residente sang Barangay 2, San Jose, Antique.
Sa interview sang Bombo Radyo kay Police Major Renato Monreal II, Chief of Police sang San Jose de Buenavista, Antique Municipal Police Station, iya ginpahayag nga nagsungka sa ila talatapan si Salazar sang Hulyo 14, 2016 sa tion man sang war on drugs ni Former Pres. Rodrigo Duterte.
Suno kay Monreal, sa tion sa pagkahunong ni Salazar sa presohan, nakagradwar ini sa Community Base Rehabilitation Program sang 2018.
Kasunod sini, wala naman sang may nabalhag ang otoridad sa pagka-angot sini sa iligal nga druga.
Kon balikan, naghalin ang biktima sa ila nga puluy-an sang Enero 22, 2025 apang wala matul-id kun ano ang transaksyon sini.
Base sa inisyal na imbestigasyon, nakaagum ini sang pilas sa iya ulo, patimaan nga ginlampusan ini sang matig-a nga bagay.
Nahibaluan nga si Salazar ang anay anak sang former Vice Mayor kag subong incumbent punong barangay sang Barangay 2, San Jose, Antique nga si Nestor Angel O. Salazar.
