ILOILO CITY – Wala sang foul play sa nangin kamatayon sang isa ka security guard nga nasapwan patay sa sulod sang iya boarding housing sa Taft North, Mandurriao Iloilo City.
Ang biktima amo si Stanley Olano, 34 anyos, tumandok sang Roxas City apang temporaryo nga nagatinir sa Mandurriao.
Sa interview sang Bombo Radyo kay Police Major Marlon Valencia, nagahingyo siya sa pamilya ni Olano nga ipa-autopsy ang bangkay kun may pagpangduha-duha ang mga ini.
Suno kay Valencia, wala man sang may nakit-an nga palantandaan sa sulod sang kwarto nga makabig pagpamigos sa biktima ukon pagtuga sang komusyon.
Dugang pa sang natungdan, posible nga nahupa lamang ang biktima nga nangin resulta sang iya kamatayon.
Nahibaluan nga tupad lamang ni Olano sa pagtulog ang iya nobya nga sang Agosto 13 lamang niya nakilala kag kahapon lamang ang duha nagkitaay.
