Nakilal-an na ang lalaki nga nasapwan nga patay sa bakante nga lote sa Zone 3, Barangay Ungka, Jaro, Iloilo City sang hapon sang Marso 29.
Ang biktima amo si alyas John, 50 anyos kag residente man sang nasambit nga barangay.
Sa interview sang Bombo Radyo kay Police Captain Mavin Laraño, hepe sang Iloilo City Police Station 3, iya ginpahayag nga wala gid nagsulod sa pinsar sang pamilya sang biktima nga siya ang nasapwan nga patay.
Suno sa imbestigasyon sang mga kapulisan, ang nahibaluan sang pamilya amo nga nagbalik ini sa Roxas, Capiz.
Ginpahayag man nga nakita sang bata sang biktima sa social media ang tsinelas nga ginapanag-iyahan sang iya amay, nga amo ang naghatag sang ideya sa ila nga mahimo ang amay nila amo ang nasapwan.
Sang ila nga gin-usisa didto nahibaluan nga wala ini nakareport sa iya trabaho sa Roxas.
Ginpahayag man sang iya asawa nga may ara sang problema ini nga ginapangatubang kag may ginasuprer man ini nga high blood pressure rason nga mahimo nagtlod sa iya nga utason ang kaugalingon nga kabuhi.
