CHINA – May yara sang nagkalain-lain nga batasan ang tawo.
May yara man sang mapisan kag matamad.
Kaangay na lang sa driver nga nadakpan sa Liuzhou, China kadungan sang pagpatuman sang check point sa lugar.
Ginpangitaan sang driver’s license sang traffic police ang driver.
Sa una nga pagkakita sang lisensya, may yara ini sang regular cover nga kaangay sang laragway sang isa ka driver’s license apang sang ginbuksan na sang traffic police, iya natukiban nga human lamang sa papel kag hadwritten pa ang iya nga lisensya.
Photo from Oddity Central
Ginkakibot sang traffic police ang iya nakit-an kag ang identification picture sini ang gintapik lang gamit ang glue.
Depensa sang driver, natamad siya nga magkuha sang driver’s license kag indi niya luyag nga maggasto sang dako nga kantidad sa driving classes sa diin iya na desisyonan nga siya na lang mismo ang magmato-mato nga magsulat sang detalye nga yara sa nasambit nga lisensya.
Madamo naman nga mga netizen ang nagkadlaw sa ginhimo sang driver.
