ILOILO CITY – Pilason ang isa ka construction worker nga angkas sang motorsiklo matapos nawigit sang mabungguan sang isa pa gid ka motorsiklo sa Taft North Mandurriao, Iloilo City.
Sa interview sang Bombo Radyo kay alyas Alfonso, driver sang motorsiklo nga na bunggu-an ni alyas Jungco, iya ginpahayag nga naka ‘Go’ na ang signal light sang gilayon niya nga ginkakibot nga nagsumalang sa iya ang motorsiklo ni Jungco.
Suno kay Alfonso, luyag lang niya nga baydan sang driver nga si Jungco ang damage sa iya nga motorsiklo.
Samtang sa bahin naman ni alyas Gaspar, ang nawigit nga angkas ni Jungco, iya ginphayag nga gilayon nagdalikat nga makapalagyo ang iya upod kag ginbilin na lamang siya sa dalan.
Pilas sa likod nga bahin sang lawas ang na-angkon ni Gaspar.
Nahibaluan nga hubog ang angkas sang motorsiklo kag padayon pa nga ginahibalo kun diin nagpadulong ang driver nga si Jungco.
