Lalaki nga sakay sang motorsiklo, patay matapos nadisgrasya sa bisperas sang paskwa

Patay ang isa ka lalaki matapos nadisgrasya sa iya ginamaneho nga motorsiklo sa bisperas sang paskwa sa MH Del Pilar St., Molo, Iloilo City.

Ang biktima amo si Mark Louie Po, 33, residente sang Brgy. Tanza Bay Bay, Iloilo City Proper.

Sa interview sang Bombo Radyo Police Staff Sergeant Joey Lopez, traffic investigator sang Molo Police Station, iya ginpahayag nga posible madasig ang dalagan sang motosiklo kag wala sang suksok nga helmet.

Naagum naman ang biktima sang pilas nagkalain lain nga parte sang lawas nga nangin rason sang iya kamatayon.

Samtang, wala naman sang angkas ang biktima.