Patay ang isa ka lalaki matapos ginbuno sang iya nga stepfather bangud sa sobra nga ka-gahod samtang nagahampang sang online casino nga “scatter” sa Maramag,Bukidnon.
Suno sa Maramag Municipal Police Station, nawili sa paghampang ang biktima nga si “Joseph”, 38-anyos, sa gwa sang ila nga balay sang nagsinggit ini.
Bangud sini,nakibot ang suspek nga si “Felix”, 57, kag nangakig ini sa biktima tubtob nga nag-away sila nga nagresulta sa pagbuno sang suspek Joseph.
Naggwa sa imbestigasyon nga madugay nga wala nagahangpanay ang duha.
Yara na sa kustodiya sang Maramag Municipal Police ang suspek.
