Dakop sa drug buy bust operation ang durugista sa PD Monfort South, Dumangas, Iloilo.
Ang subject amo si Raedan Indico, 34, residente sang Barangay Tabuc Suba, Jaro, Iloilo City.
Sa interview sang Bombo Radyo kay PMaj. Joven Arevalo, hepe sang Dumangas Municipal Police Station, iya ginpahayag nga sang tinalikdan kuntani nga semana patigayunon ang pagdeliver sang iligal nga droga sa poseur buyer apang wala ini matabo bangud naubusan sang items ang subject.
Suno kay Arevalo, si Indico mismo amo ang nagdeliver sang duha ka sachets sang ginapatihan shabu.
Pahayag niya, isa ang nakuha nga buy bust item samtang narecover pa ang isa ka suspected shabu nga nabutang sa iya nga sarakangan sa diin naipit sa brief sang durugista.
Dugang pa sang hepe, balor P3,500 ang kabug-usan nga balor sang iligal nga droga nga nakuha sa subject.
Si Indico ang makonsidera nga newly identified drug personality.
