Arestado ang isa ka wanted nga lalaki bangud sa ginaalegar nga paghimulos sang makapila ka beses sa isa ka PWD sa Tanjay City, Negros Oriental.
Ang suspek amo ang 40-anyos nga residente sang banwa sang San Jose sa amo nga probinsya.
Ang iya biktima isa ka babaye nga apa kag bungol.
Ini ang may arrest warrant para sa apat ka counts sang qualified rape nga wala sang piyansa.
Suno sa Police Regional Office–Negros Island Region, ang suspek amo ang utod sang live-in partner sang iloy sang biktima.
Nalista man ini bilang ikasiyam nga most wanted person sa rehiyon kag nagapanguna naman sa provincial kag municipal levels.
