Madamo sang pamaagi agud kita indi masubuan ukon mahulog sa sakit nga depression.
Ang iban nagatravel, nagatilaw sang mga panibag-o nga eksperyensya.
Kaangay nalang sang isa ka lalaki nga ang iya bulong sa iya depression amo ang magcuddle ukon magkupo sa iya nga pet nga buwaya.
Husto ang nabatian mo, buwaya ang nangin emotional support sang lalaki nga nadiagnose nga nagasuprir sang depression sa Pennsylvania.
Siya amo si Joie Henney, 65 anyos.
Ginpasugtan man si Henney sang iya doctor nga gamiton bilang emotional support ang iya alaga nga alligator nga ginkilala nga si Wally nga maluyagon kup-an ukon i-cuddle.
Ginpahayag sang 65 anyos nga ang iya buwaya ang may lima ka metros nga kalabaon, wala ini nagapangagat kag nakulbaan pa gani sa mga kuring.
Apisar nga nakahibalo si Henney nga makasarang ang iya buwaya nga udton ang kamot niya, wala gid siya nakabatyag sang bisan ano nga sahi sang kulba.
