STA BARBARA ILOILO– Patay ang isa ka wala pa nakilal-an nga persona nga naka duct tape matapos gintadtad sang luthang sa barangay Bitaog Taytay Sta. Barbara Iloilo.
Sa interview sang Bombo Radyo kay Police Lieutenant Colonel Hilarion Roga, pinuno ng Scene of the Crime Operatives (SOCO), iya ginpahayag nga santo sa ila pagtsikyar sa lawas sang biktima nakaangkon ini sang madamo nga pilas sa lawas tuga sang pagkaluthang.
Suno kay Roga, may nakuha naman sila nga empty shells sang calibre 45 kag 9mm sa crime scene lakip na ang sigarilyo kag pospora.
Wala naman sang kun ano man nga identification card ukon tattoo ang biktima magluwas na gidlamang sa tatlo ka mga singsing nga ginasuksok sini.
Ginabanta naman suno kay Roga nga naga edad sang 20-30 anyos ang biktima.
Indi pa nila sa subong matumod kun paano ang pagtiro sa biktima.
Ginturn over naman sang SOCO sa mga otoridad ang motorsiklo sang biktima para sa imbestigasyon kag mahibaluan kun sin-o ang nagapanag-iya.
Nahibaluan nga ang nasambit nga lalaki ang nakasuksok sang Maroon nga bayo, light brown nga shorts, may paha nga itom kag maitom nga tsinelas.
