ILOILO CITY–Patay ang isa ka lalaki  matapos nga ginluthang sang bayaw sa Alimodian, Iloilo.
Sa interview sang Bombo Radyo kay P/Insp. Danilo Noca, hepe sang Alimodian Police Station, iya ginpahayag nga papauli na kuntani ang biktima nga ginkilala kay Fransisco Edgar Francisco, 42-anyos, sang ginlambatan kag ginluthang sang suspect nga ginkilala kay Nilo Amora, 62-anyos, lunsay tumandok sang nasambit nga lugar.
Sunu kay Noca, duha ka igo sa natuo nga ilok kag duha naman sa likod tuga sang shotgun ang gintunaan sang kamatayon sang biktima.
Away sa pamilya ang ginatudlo motibo sa krimen sa diin gilayon naman nga nadakpan si Amora pinaagi sa hot pursuit operation.