Ginbawian gid sang kabuhi ang isa ka lalaki matapos sini ginbunggo ang iya salakyan sa gate sang Russian embassy sa Bucharest, Romania.
Sa sulod sang salakyan, nakit-an nga may mga container nga nagaunod sang flammable substances.
Wala sang napilasan nga iban nga tawo sa amo nga insidente. Indi pa maathag kun ngaa nga ginkomiter ini sang driver.
Nagpalab-ot naman ang Russian embassy sang mensahe sang simpatiya kasunod sini.
“The Embassy expresses deep condolences to the relatives and friends of the man who set himself on fire in a car after a failed attempt to ram the gates of the Russian Embassy in Romania.” Sunod sini nga ginbasol sa Anti-Russian hysteria ang natabo: “whatever the motives of the driver, there is no doubt that he committed this act under the influence of an explosion of anti-Russian hysteria in connection with a staged provocation in the city of Bucha.”
Sang Martes lang, nag-anunsyo ang Romania nga i-expel ang 10 ka Russian diplomats sa ila pungsod.
May iban pa nga mga pungsod sa Europa nga naghimo man sini bangud sa ginapahayag pag-spy sang Russian diplomats sa hilikuton sang European countries. ##
