ILOILO – Patay ang isa ka lalaki nga nagasakay sa motorsiklo matapos nabungguan sang truck sa Batuan, Pototan, Iloilo.
Ang driver sang motorsiklo amo si Vincent Day, 33, residente sang Barangay Macatol, Pototan, Iloilo.
Samtang ang driver naman sang truck amo si Roland Palomo, 45, kag residente sang Barangay Pandan, Dingle, Iloilo.
Sa interview sang Bombo Radyo kay Police Staff Sgt. Raffy Gonzales, imbestigador sang Pototan Municipal Police Station, iya ginpahayag nga padulong kuntani sa Dingle, Iloilo ang truck samtang ang motorsiklo naman ang padulong sa Pototan, Iloilo.
Suno kay Gonzales, madasig ang pagpadalagan sang motor kag gulpyada ini nagsumalang sa truck.
Naka-angkon suno kay Gonzales sang patal nga pilas sa ulo ang driver sang motorsiklo. Gilayon pa ini nga gindala sa ospital apang gindeklarar nga dead on arrival.
Sa subong yara na sa kustodiya sang Pototan Municipal Police Station ang driver sang truck.
