Ginbawian gid sang kabuhi ang isa ka lalaki matapos nga naglumpat sa dagat halin sa Roro vessel nga ginasakyan sini halin sa Dumangas port.
Suno sa Dumangas PNP, residente sang Oton ang lalaki kag ginabanta nga nagaedad sang 50-anyos pasaka.
Nakalarga na ang vessel kag masobra isa ka oras na nga nagabyahe sang naglumpat ang lalaki.
Gintinguhaan pa nga masalbar ini kag gindala sa ospital apang wala na natabangan pa.
