ILOILO CITY- Ginbawian gid sang kabuhi ang 40-anyos nga construction worker matapos nakuryente sa Brgy. Kirayan Tacas, Miagao, Iloilo.
Ang biktima amo si Alyas Martin, 40 anyos, residente sang Brgy. Sentro Dao, Capiz.
Suno kay Police Captain Francis Doanne Lomahan, hepe sang Miagao Municipal Police Station, nagatungtong sa scaffolding ang biktima samtang nagatakod sang kisame sang Miagao National High School.
Pahayag ni Lomahan, posible nga nagisi ang extension wire sang maipit sang scaffolding gani nakuryente ini.
Ginbuligan pa ini sang iya kaupod apang nagtabog man ini bangud sa pwersa sang kuryente.
Gindala sa ospital ang biktima apang gindeklarar gid nga dead-on-arrival.
