Patay ang isa ka lalaki matapos nalumos sa Barangay Lawis, Balasan, Iloilo.
Ang biktima amo si Nieto Casabuena, 48, pamilyado, kag residente sang nasambit nga lugar.
Sa interview sang Bombo Radyo kay Police Major Samuel Vipinosa, hepe sang Balasan Municipal Police Station, iya ginpahayag nga santo sa panaysayon sang pamilya ni Casabuena, duha na ka-oras nga wala nakapauli ang biktima matapos naglisensya nga magkadto sa iya ginladlad nga pukot sa suba malapit sa ila lugar.
Suno sa pulis, tuman naman ang kabalaka sang isa ka anak kag asawa sang biktima bangud gulpyada nga nagbubo ang mamunog nga ulan tuga sang habagat rason nga ginkadtuan nila gilayon ang ila padre de pamilya.
Pahayag ni Vipinosa, nakit-an nalang sang pamilya nga wala na sang pangalibutan ang ila nga himata matapos gin-rescue sang iban nga mga manugpangisda.
Santo naman sa panaysayon sang doktor, posible nga na-cardiac arrest si Casabuena antes nalumos.
Nagapati naman ang pamilya nga wala sang foul play nga natabo sa likod sang kamatayon sang ila himata.
