ILOILO CITY–Patay ang isa ka lalaki matapos nga nalumos sa Barangay Agdayao Passi City.
Ang biktima ang ginkilala nga so Rami Losada 19 anyos single kag residente sang nasambit ngalugar.
Sa interview sang Bombo Radyo kay Police Staff Sergeant Dennis Palma, imbestigador sang Passi City Police iya ginpahayag nga santo sa ila imbestigasyon, kaupod sang biktima nga nagpaligo sa suba sang nasambit nga barangay ang iya mga pamilya.
Suno kay Palma santo sa panaysayon sang pakaisa sang biktima yara sa idalom sang impluwensya sang makahulubog nga ilimnon si Losada sang nagpaligo ini sa suba.
Mahimo suno kay Palma nga nakatupa ini sa madalom nga bahin sang suba rason nga wala na nakahalin pa kag nalumos.
Gintinguhaan pa nga gindala sa hospital kag ginrevive ang biktima apang wala na ini matabangan pa
