Patay ang isa ka lalaki matapos nga natirohan sa Brgy. Lanag, Sta. Barbara, Iloilo.
Ang biktima amo si Rodito Celis Jr., residente sang Omambog, Sta. Barbara; samtang ang suspek amo si Ronald Susvilla, 45-anyos residente sang Brgy. Dalid, Sta. Barbara.
Sa interview sang Bombo Radyo kay Police Captain Raffy Señeres, officer-in-charge sang Sta. Barbara Municipal Police Station, iya ginpahayag nga sang nagpadulong sila sa crime scene, na-recover ang motorsiklo nga ginsakyan sang suspek kag pulo ka mga empty shells sang bala.
Suno kay Señeres, nakadalagan pa sang masobra isa ka kilometros ang biktima antes nga natumba.
Gilayon naman nga nagpalagyo ang suspek kasunod sang paghimo sini sang krimen.
Insigida naman nga gindala sa ospital ang biktima apang ginbawian man sang kabuhi.
Walo naman ka patal nga igo ang nabaton sang biktima nga nangin rason man sang iya kamatayon.
Nahibaluan nga anay may record ang suspek sa Sta. Barbara MPS apang gilayon man nga na-settle.
