ZARRAGA, ILOILO – Patay ang isa ka manugbulang sang manok matapos nga ginbuno sang tatlo ka mga lalaki sa Zarraga, Iloilo.
Ang biktima amo si Jessie Alim, 53 anyos sang Brgy Cagamutan Norte, Leganes Iloilo kag ang mga suspek naman amo sanday Alvin Palabrica, 24 anyos, Ronnie Baylaran kag Rolando Tamayo.
Sa interview sang Bombo Radyo kay Police Lt. Rey Peuyo, imbestigador sang Zarraga Municipal Police Station, iya ginpahayag nga yara sa impluwensya snag makahulubog nga ilimnon ang tatlo ka mga suspek sa diin nagtulukay lamang sila sang biktima kag gilayon nga nagbinaisay.
Bangud sini, ginbanggaan sang mga suspek si Alim kag ginbuno gamit ang kutsilyo.
Natigayon naman nga madakpan sang kapulisan ang mga suspek pinaagi sa hot pursuit operation.
