ILOILO CITY – Patay ang isa ka lalaki matapos nga nadisgrasya ang iya ginamaneho nga motorsiklo sa Barangay Tigum, Pavia, Iloilo.
Ang biktima amo si James Clifford Hilisan, 24, residente sang Barangay Purok 1, Pavia.
Sa interview sang Bombo Radyo kay Police Major Rolando Araño, hepe sang Pavia Municipal Police Station, iya ginpahayag nga nagagwa sa ila imbestigasyon nga naka-inom ang biktima kag wala sang suksok nga helmet sang natabo ang aksidente.
Dugang pa niya, may nasugata nga tricycle ang biktima kag wala niya nakontrol ang manibela rason nga natumba ini kag naglampos gid ang iya ulo sa kalsada.
Gindala pa sa pinakalapit nga ospital ang biktima apang gindeklarar nga dead on arrival.
