Patay ang isa ka lalaki matapos nga nalumos sa baybayon sang Barangay Bancal, Carles, Iloilo.
Ang biktima amo si Sandy Bolante, 51-anyos, residente sang nasambit nga lugar.
Sa interview sang Bombo Radyo Police Major Sanny Boy Garnace, hepe sang Carles Municipal Police Station, iya ginpahayag nga dead on arrival sang nag-abot ang biktima sa Jesus M Colmenares District Hospital.
Suno kay Garnace, nagalangoy ini sa manabaw lang man nga parte sang dagat apang hinali lang nga nag-collapse.
Ginpahayag man sini nga tubtob dangat lang sa tuhod ang tubig nga ginlangoyan sang biktima.
Ginhingagaw pa nga salbaron sang iya hinablos ang lalaki apang wala na naga-response ang iya lawas.
Gindala man ini sa ospital apang ginbawian sa gihapon sang kabuhi.
