Nangin rason sang kamatayon sang isa ka 21-anyos nga lalaki ang pagsalbar niya sa iya nga tsinelas nga ginhaboy sang iya kaupod nga obrero sa isa ka suba sa tunga sang mabaskog nga daludo sang tubig-baha sa Banayoyo, Ilocos Sur kadungan sang paglaslas sang bagyo Crising.
Ang biktima amo si Cean Ian Gadut.
Suno sa report, natabo ang insidente matapos ginkuha sang iya kaupod ang tsinelas sang biktima kag ginhaboy sa suba.
Gilayon nga naglumpat ang biktima para makuha ang tsinelas apang gin-anod ini sang tubig-baha.
Gintinguhaan pa nga ma-rescue ang biktima apang sang nakit-an ini, wala na siya sang kabuhi.
