Lalaki pilason matapos maaksidente sa motorsiklo sa Dumangas, Iloilo

DUMANGAS, ILOILO – Pilason ang 34 anyos nga lalaki matapos nga naglapaw sa dalan ang iya ginamaneho nga motorsiklo sa Dacutan, Dumangas, Iloilo.

Ang driver amo si Rene Doronio sang Brgy. Ermita, Dumangas.

Sa interview sang Bombo Radyo kay Helen Dumagday, nakakita sa aksidente, iya ginpahayag nga iya na lamang nga ginkakibot sang gilayon nga natumba ang biktima sa iya nga motorsiklo.

Gina-alegar nga yara sa impluwensya sang makahulubog nga ilimnon si Doronio.

Nakaangkon naman sang pilas sa dulunggan kag nawong ang biktima.