Pilason ang isa ka lalaki matapos nga ginbuno sang iya live-in partner sa Iloilo Esplanade 4.
Ang biktima ginabanta naga-edad 30-anyos, samtang ang babaye ang 50-anyos.
Sa interview sang Bombo Radyo kay Bernardo Apinan, Bridge Maintenance sa lugar, iya ginpahayag nga antes ang insidente, nabatian pa sang pila ka mga pumuluyo nga nagabaisay ang duha.
Suno kay Apinan, ang duha ang masami man nga nagapakiglimos sa Esplanade.
Gintuad man sini nga masami nagaselos ang babaye sa mga makaupod sang iya partner.
Nag-agum sang pilas ang biktima sa iya wala nga parte sang tiyan kag idalom sang iya dughan kag subong padayon nga ginabulong.
Nahibaluan nga indi magnubo sa 8 inches nga kutsilyo ang gingamit sang babaye sa pagbuno sa iya nga live-in partner.
