NUEVA VALENCIA GUIMARAS– Dakop ang isa ka lalaki matapos nagpanaya sang armas-luthang kag nagmaoy sa isa ka ilimnan sa Nueva Valencia, Guimaras.
Ang nadakpan ang ginkilala nga si Edwin Gonzaga, 47 sang Sitio Ilaya, Brgy. Igang, Nueva Valencia, Guimaras.
Sa interview sang Bombo Radyo kay Police Corporal Roy Japitana, imbestigador sang Nueva Valencia Municipal Police Station, iya ginpahyag nga nadakpan nila sa kakahuyan si Gonzaga matapos nga nagpalagyo sang hana nga dakpon sa ilimanan.
Suno kay Japitana, ginakulbaan ang mga kasilingan ni Gonzaga bangud sa iya masami nga pagmaoy kag pagpanaya sang armas sa tion nga mahubog.
Wala naman suno kay Japitana sang may ipakita nga lisensya sang ginahuptan nga homemade shot gun si Gonzaga.
Sa subong, preso sa Nueva Valencia Municipal Police Station si Gonzaga kag magapangatubang sang nagakaigo nga kaso.
