INDIA – Mapati ka kag sa indi apang may lalaki sa Chennai, India nga ginkilala bilang “The Elephant Man” bangud sa kadakuon kag kabug-aton sang iya tu-o nga paa.
Si Arun Rajasingh, 34 anyos ang may yara sang genetic disorder kun sa diin ang iya tu-o nga paa ang nagabug-at sang 220 pounds kaangay sa kabug-aton sang bag-o lang ginbun-ag nga elepante.
Bangud sa naangkon nga genetic disorder, ang paa ni Rajasingh ang nagbanog sang makalima ka pilo gikan sa normal sini nga kadaku-on.
Sang pagbun-ag pa lang kay Rajasingh, bisan ang mga doktor ang nagpaandam sa iya ginikanan nga indi maglawig sa kalibutan ang ila anak.
Sa maayo nga palad, si Rajasingh ang nakatapos pa sa kurso nga Engineering kag nagsugod ang iya pag-antos sang nagbanog ang iya tu-o nga paa kag naga amat-amat naman sa pagbanog ang nawala sini nga paa.
Bangud sini, nagakinahanglan nga maggamit sang wheelchair ang natungdan para sa mga simple nga ulubrahon kaangay sang pagkuha sang bayo kag paggamit sang banyo.
Apisar sang iya kondisyon, wala nagakadulaan sang paglaum si Rajasingh nga may yara pa sang bulong sa iya kondisyon.
