Dog is a man’s bestfriend.
Ini ang pagpati sang kadam-an.
Gani sa pungsod India, tuman ang pagpalangga sang isa ka software engineer nga si Rakesh Shukla sa iya 735 ka mga ido.
Suno kay Rakesh, ang mga ido nga yara subong sa iya nga luyo amo ang mga ido nga ginapabay-an na ukon mga stray dogs.
Panaysayon sang software engineer, masami niya nga gina-istorya ang iya mga ido sa diin ginakabig niya nga tawo ini kag indi sapat.
Ang mga ido nga yara sa iya ang may nagkalain-lain man nga sahi lakip na ang Labradors, Golden Retrievers, Great Danes, Beagles, Rottweilers, Saint Bernards kag iban pa.
Ginbansagan man si Rakesh sa nasambit nga pungsod bilang “Dog Father”.
Kun may makit-an si Rakesh nga ido nga gin-abandona ukon nagamasakit, ginadala niya ini sa iya nga balay agud nga ma hatagan sang pagkaon kag tubig kag amo man sang may matiniran.
Nagdesisyon man si Rakesh nga mag-hire sang 10 ka tawo nga magluto sang pagkaon kag makapakaon sa tanan niya nga ido.
