Picture diri, picture didto.
Amu ina ang ulubrahon sang mga mahilig sa photography.
Apang didto sa India, isa ka lalaki ang obsess sa photography nga mismo ang iya mga kabataan ang ginhatagan niya sang pangalan halin mismo sa mga brand sang camera.
Sila amo sanday Nikon, Epson kag Canon.
Apang indi lang na! Bangud ang balay ni Ravi Hongal, 49 anyos, ang camera-shaped man.
Pinasahi ang balay ni Ravi sa diin naglab-ot sa 95,000 US dollars ukon P4,699,175 ang naggasto sini sa pagpahimo lamang sang pinasahi niya nga balay.
Kaangay sang camera, makit-an man saguwa sang balay ni Ravi ang lens-shaped nga bintana, flash kag giant SD card.
Nagkahilig sa photography si Ravi umpisa sang bata pa ini — wala man siya nagapanguna sa sulod sang klase apang kun sa patag sang photography ang pagahambalan, si Ravi ang masami nga ginapakuha sang litrato.
Nagpatindog man sang studio si Ravi kag ginpangalanan ini sa iya nga asawa nga si Rani.
