ILOILO CITY – Pilason ang pintor sa Barangay Boulevard Molo, Iloilo City matapos nga ginbuno sang trisikad driver gamit ang icepick.
Ang biktima ang ginkilala nga si John Eric Mediola, 22 anyos, taga zone 3 sang nasambit nga barangay samtang ang suspek naman amo si alyas Boy-boy, sang zone 5 sang amo nga barangay.
Sa interview sang Bombo Radyo kay Brgy. Kagawad John Espia, iya ginpahayag nga nasagairan sang biktima sang trisikad nga iya ginamaneho ang trisikad sang suspek.
Kun tani suno kay Espia, luyag pa sang biktima nga magpangayo sang pasaylo sa suspek apang ginpaandaman siya ni Boy-boy nga balikan niya ang biktima.
Wala naglaum si Mediola nga balikan siya sang suspek sa diin iya ginkakibot nga may dala sang icepick si Boy-boy kag ginbuno ang biktima.
Padayon naman subong nga ginapangita ang suspek matapos ini ang nagpalagyo.
