ZARRAGA, ILOILO – Kritikal ang kondisyon sang isa ka lalaki matapos ma hit and run sang ginapahayag pribado nga salakyan sa Barangay Sigangao, Zarraga, Iloilo.
Ang biktima amo si Arnel “Bobet” Lacson, 35, sang Jalaud Sur sa nasambit nga banwa.
Sa interview sang Bombo Radyo kay PLt. Johnny Arnad, Acting Chief of Police sang Zarraga Municipal Police Station, iya ginpahayag nga samtang nagapa-isol sang salakyan si Lacson, nadalasa ini sang SUV nga duag puti.
Suno kay Arnad, patal nga pilas sa ulo ang naangkon sang biktima.
Wala naman matumod ang driver sang SUV nga nakabunggo kay Lacson.
