LA PAZ ILOILO CITY- Wala na matabangan pa ang isa ka amay matapos naghikog sa ila kaugalingon nga balay sitio Cauayan Barangay Tabuc Suba La Paz Iloilo City.
Ang biktima amo si Ramil Oro, 36 anyos kag nagatrabaho bilang isa ka driver may asawa kag apat ka mga anak.
Sa interview sang Bombo Radyo kay Rosalinda Oro, iloy sang biktima, iya ginpahayag nga nakibot ini sang nakit-an nga nagabitay na ang iya anak.
Pahayag pa sang iloy nga may problema sa pangabuhi ang iya anak bangud nag-away kag ginbayaan siya sang iya tiayon.
Nahibaluan nga gindala sang misis sang biktima ang ila mga kabataan matapos nag-away sila sang iya bana.
Ginapahayag ginasakit ni Oro ang iya asawa sa tion nga mahubog ini rason nga naglakat nga wala naglisensya ang babayi.
Dugang pa sang iloy, naka-istoryapa sila sang iya anak antes natabo ang insidente.
Nahibaluan nga cable wire kag kalat ang gingamit ni Oro sa paghikog sa diin gintakod niya ini sa balayan sang ila balay.
