Handa ka bala nga batakon ang imo pinalangga agud ma-eksperyensyahan sini ang kabuhi?
Sa Espanya, may isa ka lalaki nga nag-viral sa social media matapos nagserbe bilang mga tiil sang iya hinuptanan nga ido sa pagbibit sini samtang nagadalagan kadungan sang tatlo ka playmate sini nga mga ido.
Ang hinuptanan amo si Canelo, isa ka pit bull nga nagasuprer sang isa ka medical condition nga amo ang naghimo sang upang sa iya paghulag sang normal sa diin nagakabtyag ini sang sakit sa lawas kun magtesting ini sa pagdalagan ukon lakat.
Ang heartwarming nga hitabo ang ginpakigbahin sa social media sang anak sang lalaki nga amo nagkuha sa ila sang video.
Natukiban sang lalaki nga nakahiligan ni Canelo maghampang kaupod ang tatlo ka hinuptanan man nga ido apang indi ini makaupod sa ila pagtumbo-tumbo kag dalagan sa field bangud sa iya kondisyon.
Bangud sini, ginhakwat sang lalaki si Canelo kag gindalagan sa field kaupod ang mga playmate nga lunsay man pit bull.
Makit-an naman ang kalipay ni Canelo samtang ‘feel na feel’ ang hangin nga nagadapya sa iya nawong kag daw kaangay nga nagayuhom.
Gindayaw naman sang netizens ang tagipusuon sang lalaki para sa iya hinuptanan nga ido.
