May yara sang isa ka 24-anyos nga lalaki sa China nga grabe subong ang problema sa pagpangita sang ubra apisar nga may kaalam kag abilidad ini.
Ang iya problema amo nga may tattoo ini nga korte sang bagul sa iya nawong.
Ini nga lalaki amo si Mr. A.
Gin-ako niya nga nangin rebellious siya nga pamatan-on nga nag- struggle sa depression kag nangin palaagyan niya nga makapautwas amo ang pagpabutang sang tattoo.
Una siya nagpabutang sang tattoo sa iya lawas apang sang 2018, naghimo siya sang radical decision nga magpabutang sang skull tattoo sa iya itsura.
Sa una, nalipay siya apang sang ulihi, narealisar niya nga kabudlay para sa iya nga mangabuhi sang normal.
Suno sa iya, sa nagligad nga anom ka tuig, tuman ka budlay para sa iya nga magpangita sang trabaho.
Tubtob nga sang Oktubre, nag-contact siya sa isa ka tattoo removal studio kag amat-amat nga ginpanas ang iya tattoo sa kamot.
Ang laser procedure masakit apang maantos man niya apang sang damlag lang, ginsuguran niya ang pagpapanas sang tattoo sa iya nawong.
Matapos ang iya first session, tuman ini ka sakit nga nagresulta sa pag-angkon niya sang heart problems gani makapahuway anay siya antes padayunon ang apat tubtob lima ka sessions, agud dalayon na nga mapanas ang iya tattoo kag magkabuhi sang normal.
