Nakasulod na sa Pilipinas ang Lambda coronavirus variant — variant nga una na-detect sa pungsod Peru kag gin-classify sang World Health Organization (WHO) bilang variant of interest.
Suno sa Department of Health (DOH), 35 anyos nga babayi ang pasyente, asymptomatic, kag tagged na bilang ‘recovered’ matapos ang 10 ka adlaw nga isolation.
Gina-verify pa sang ahensya kun returning overseas Filipino (ROF) ang amo nga pasyente ukon makabig nga local case.
Ginapatigayon naman subong ang back contact tracing kag case investigation.
Ini nga variant, sandig sa nauna na nga pahayag sang DOH, ang potensyal nga maka-apekto sa transmissibility sang coronavirus.
Sa pihak nga bahin, 329 ka iban pa nga kaso sang iban nga variant ang nagdugang sa pungsod.
Lakip sa sini nga 329 ka iban pa nga variant amo ang 182 ka Delta variant cases.
Sa 182 nga kaso sang Delta variant, 112 ang local infections kag 36 ang ROFs. Gina-verify pa kun ROF ukon local ang nabilin nga 34 ka kaso.
176 diri ang recovered, apat ang napatay, isa ang active case, kag isa ang under verification.
Kun pahat-pahaton ang local cases:
- 42 sa Metro Manila
- 36 sa Central Luzon
- walo sa Calabarzon
- anum sa Mimaropa
- anum sa Northern Mindanao
- apat sa Central Visayas
- tatlo sa Davao Region
- tatlo sa Caraga
- duha sa Western Visayas
- isa sa Cordillera Administrative Region
- isa sa BARMM 66 naman ang nagdugang sa Beta variant cases, 41 ang nagdugang sa Alpha variant, kag 40 ang nagdugang sa P.3 variant (variant nga una na-detect sa Pilipinas).
